Includes bibliographical references.

BAHAGI - I Karapatang Pantao: Kalikasan, Kabuluhan at Historika Debelopment -- BAHAGI - II Karapatang Pantao: Pananagutan at tungkuling Ligal -- BAHAGI - III Sistema at mga pamantayang ligal ng mga karapatang pantao sa republika ng Pilipinas -- BAHAGI - IV Mga Kaganapan at kalagayang pantao.

Higit sa lahat, ang pagtuturo at pag-aaral hinggil sa karapatang pantao at mga usaping nakaugnay sa pagtataguyod ng karapatang pantao ay isang pandaigdigang panata at pananagutan ng bawat Estado na kasapi ng Nagkakaisang Bansa at ng bawat galamay at mamamayan nito. Ang Nagkakaisang Bansa o UNO ay nag-aatas na ang karapatang pantao ay maipalaganap sa pamamagitan ng edukasyon at pagtuturo para matamo ang paggalang sa mga karapatang pantao at sa mga kalayaan na nakapaloob sa Deklarasyon.

Ang pagsasa-Pilipino ng aklat na ito ay nilalayong higit na maunawaan ng pangkaraniwang tao ang mga karapatang pantao at mga usapin na nakakahadlang at lumalabag o sumisira sa mga karapatang pantao. Ang mga pag-aaral sa karapatang pantao ay ibinatay sa makasaysayang pag-unlad ng karapatang pantao sa iba't ibang pamantayan o pang-unawa batay sa mga yugto ng kasaysayan at mga kaganapang panlipunan. Kaya nga't ang mga pagtalakay o presentasyon ay naaayon sa pagsusuring Sosyolohikal o kritikal na pag-aaral ng lipunan upang higit na maunawaan ang mga kaganapan at kalalagayang pantao.