Includes bibliographical references and index.

1. Pagpapakilala sa Bagong Lipunan -- 2. Ang Batas Militar at ang Bagong Lipunan -- 3. Si Imelda, at ang Katotohanan, Kabutihan, at Kagandahan -- 4. Ang Musikong Filipino sa Kasaysayan -- 5. Mga Awit ng Bagong Lipunan -- 6. Ang Musika ng Protesta -- 7. Paglalagom.

Bagama't dalawamput limang taon na ang nakalipas buhat nang pagkatatag ng batas militar at ang pagkabuwag nito sa pamamagitan ng rebolusyon ng People Power, sa dami ng mga sulatin at aklat na lumabas at nailimbag ay wala pang tumuon sa paksa ng musika na siyang umiral sa kabuuan ng rehimeng nagtaguyod dito bilang isang malakas na puwersa sa pagbabago ng kamalayan at pagpapahalaga. Totoong napapanahon na na ang ganitong talakayin at pag-aaral ay maisulat upang mabuo pa nang kaunti ang malaking larawan, kung saan maraming aral ang matututunan ng buong bansa at marami ring sulok ng katotohanan ang mararating ng ating kaalaman. Unang-una, ang musika ay sadyang ginamit upang hubugin ang kamalayan sa mahahalagang gawain at paniniwala ng mga mamamayan na tumatalima sa mga alituntunin ng pagbabago sa lipunan.